“ထွက်ပေါ်လာရန်ရှိသည့် အငှားအိမ်ရာဥပဒေ”

“ထွက်ပေါ်လာရန်ရှိသည့် အငှားအိမ်ရာဥပဒေ”

၁။ "နိုင်ငံပိုင်အိမ်ရာများအတွက် အငှားအိမ်ရာဥပဒေ
ရေးဆွဲမည်"

နိုင်ငံတော်အစီအစဉ်ဖြင့် ဆောက်လုပ်နေရာချထားပေး
ခဲ့သည့် နိုင်ငံပိုင် အငှားအိမ်ရာစီမံကိန်းများကို စနစ်တကျ
ပြန်လည်ကွပ်ကဲ ထိန်းသိမ်းနိုင်ရန်အတွက် တိကျခိုင်မာ
သည့်နည်းစနစ်များပါဝင်မည့် အငှားအိမ်ရာ ဥပဒေ
မူကြမ်းကို ရေးဆွဲလျက်ရှိပြီး ဥပဒေ တစ်ရပ်ပီပြင်စွာ
ပေါ်လာရန် လုပ်ဆောင်လျက်ရှိကြောင်း
မြို့ပြနှင့်အိမ်ရာဖွံ့ဖြိုးရေး ဦးစီးဌာန၊ အိမ်ရာဖွံ့ဖြိုးရေး
ဌာနခွဲ ဒုတိယ ညွှန်ကြားရေးမှူး ဦးမင်းအောင်အေးက
ပြောသည်။

"အငှားအိမ်ရာဥပဒေဆွဲဖို့ လုပ်နေပြီဖြစ်ပေမဲ့
လောလောဆယ်သုံးလို့ရမယ့် အမိန့်ညွှန်ကြားချက်တွေ
အရင်ထွက်အောင် လုပ်နေရတယ်။ အငှားအိမ်ရာ
မူကြမ်းကို ရေးဆွဲပြီးမှ ဥပဒေအဖြစ်ပြဋ္ဌာန်းဖို့ဆက်လက်
လုပ်ဆောင်သွားပါမယ်။ အငှားအိမ်ရာဥပဒေ မရှိသလို၊
ထိန်းသိမ်းရမယ့်နည်းစနစ်တွေ၊ စည်းကမ်းချက်တွေ
လည်း မရှိသေးဘူး။ အာဏာပိုင်တွေကသူ့အစီအစဉ်တွေ
နဲ့သူ အငှားချပြီးမှ အိုးအိမ်ကို ထိန်းသိမ်းဆိုပြီး လက်လွှဲ
လိုက်တာ၊လုပ်ရကိုင်ရတာ ခက်တယ်"ဟု ၎င်းက
အောက်တိုဘာ ၃ ရက်တွင် မြန်မာတိုင်း(မ်)ကို
ပြောသည်။

အစိုးရအဆက်ဆက်၊ ခေတ်အဆက်ဆက်တွင်
အငှားအိမ်ရာ အမြောက်အမြားကိုဆောက်လုပ်ကာ
ပြည်သူများ၊ နိုင်ငံဝန်ထမ်းများနှင့် အငြိမ်းစားဝန်ထမ်း
များကို အဖိုးနှုန်းချိုသာစွာဖြင့် ငှားရမ်းခဲ့ပြီးမှသာ အိမ်ရာ
ထိန်းသိမ်းမှုကိစ္စများ၊ အိမ်လခ ကောက်ခံသည့်ကိစ္စများ
ကို ဆောက်လုပ်ရေးဝန်ကြီး ဌာန၊ မြို့ပြနှင့် အိမ်ရာ
ဖွံ့ဖြိုးရေးဦးစီးဌာနသို့ စီမံခန့်ခွဲနိုင်ရန်လွှဲပြောင်း
ပေးခဲ့သည်။

ဖွံ့ဖြိုးပြီးနှင့် ဖွံ့ဖြိုးဆဲနိုင်ငံများ၌ အငှားအိမ်ရာများကို
ပြည်သူများအတွက် နေရာချထားပေးခဲ့ရာတွင်သက်တမ်း
ငါးနှစ်အထိသာ အများဆုံး ငှားရမ်းခွင့်ပြုထားသော်လည်း
မြန်မာနိုင်ငံ၌အငှားအိမ်ရာတွင် နေရာချထားခြင်း ခံရသူ
များမှာ ဆွေစဉ်မျိုးဆက် အစဉ်အဆက်နေထိုင်သည့်
စနစ်ဖြင့် ခွင့်ပြုထားခဲ့သည်။

အငှားအိမ်ရာနှင့်ပတ်သက်သည့် ခိုင်မာသည့် ဥပဒေ
တစ်ရပ်ပေါ်ထွက်လာခြင်းမရှိသေးသည့်အတွက် လက်ရှိ
အငှားအိမ်ရာ နေထိုင်ခွင့်ရသူများမှာနှစ်ကာလ ကြာရှည်
လာသည်နှင့်အမျှ နိုင်ငံပိုင်မြေနှင့် နိုင်ငံပိုင်
အဆောက်အအုံများကိုလစဉ်ငှားရမ်းခပေးသွင်းသည့်
စနစ်ဖြင့် နေထိုင်နေခြင်းဖြစ်သော်လည်း မိမိကိုယ်ပိုင်
တိုက်ခန်းကဲ့သို့ ထင်မြင် ယူဆလျက်ရှိပြီး စည်းမျဉ်း
စည်းကမ်းနှင့် ဥပဒေများ ထွက်ပေါ်လာခြင်းမရှိသည့်
အတွက်ကြောင့် ထိန်းသိမ်း ကြပ်မတ်ရန်
အခက်အခဲများ ဖြစ်ပေါ်လျက်ရှိသည်။

"အခြားနိုင်ငံတွေမှာဆို အငှားအိမ်ရာက ငါးနှစ်ပဲ
ငှားတယ်၊ ငါးနှစ်ပြည့်ရင် ဖယ်ခိုင်းတယ်။
တန်ဖိုးနည်းအိမ်ရာတွေ သွားဝယ်၊ လွတ်သွားတဲ့အခန်းကို
နေစရာ အခက်အခဲရှိတဲ့လူကို ပြန်တင်၊ နောက်လူလာ
ဆိုတဲ့ စနစ်ကို ကျင့်သုံးတယ်။ အခုက ရာသက်ပန်
နေခွင့်ပေးထားသလို ဖြစ်နေတယ်။ အငှား အိမ်ရာဖြစ်ပြီး
အစိုးရရဲ့မြေ အစိုးရရဲ့ အဆောက်အအုံဖြစ်ပေမဲ့
အစိုးရက အဆင့်မြှင့်တည်ဆောက်မယ်လည်းလုပ်ရော
ဝိုင်းကန့်ကွက်နေကြတယ်။သူတို့က အိမ်ငှားပါ။
မထိန်းနိုင်လို့ ပြဿနာဖြစ်နေတာ၊ ဥပဒေ လိုတယ်။
ဆွဲချရတာတို့လုပ်ရကိုင်ရတာတို့ အရမ်းခက်တယ်"ဟု
၎င်းက ဆက်လက် ပြောသည်။

အငှားအိမ်ရာတွင် နေထိုင်ခွင့်ရရှိသူများ စည်းကမ်း
ဖောက်ဖျက်ပါက ၁၉၅၅ ခုနှစ်တွင် ပြဋ္ဌာန်းထားပြီးဖြစ်
သည့် အစိုးရပိုင် အိမ်ဥပစာနှင်ထုတ်ခြင်း အက်ဥပဒေဖြင့်
အရေးယူဆောင်ရွက်နိုင်သော်လည်း အားနည်းချက်
ကြောင့် လက်တွေ့ပီပီပြင်ပြင်လုပ်ကိုင်ဆောင်ရွက်နိုင်ရန်
အခက်အခဲများ ရှိနေဆဲဖြစ်သည်။

ဥပဒေတစ်ရပ်အဖြစ် ထွက်ပေါ်လာစေရန်အတွက် ရေးဆွဲ
လျက်ရှိသည့် အငှားအိမ်ရာဥပဒေကြမ်းတွင် ငှားရမ်းမည့်
သူများ အပေါ်ထားရှိသည့် ကန့်သတ်ချက်များ ပါဝင်
လာမည်ဖြစ်သလို အိမ်ရာထိန်းသိမ်း စောင့်ရှောက်ရေး၊
ပြုပြင်ထိန်းသိမ်းရေး ဆိုင်ရာအချက်အလက်များလည်း
ပါဝင်လာနိုင်မည်ဖြစ်သည်။

အငှားချအိမ်ရာ စီမံကိန်းတွင် ပါဝင်သည့် အဆောက်အအုံ
များ ရေရှည်တည်တံ့ခိုင်မာစေရန်အတွက်လည်း
Estate Management Committeeကို နေထိုင်သူများ၊
အုပ်ချုပ်ရေးအဖွဲ့အစည်းများနှင့် လွှတ်တော်
ကိုယ်စားလှယ်များ ပါဝင်သည့် အဖွဲ့အစည်းများဖြင့်
ပြန်လည်ဖွဲ့စည်းဆောင် ရွက်သွားရန် လိုအပ်သည်။

ရန်ကုန်မြို့တော်တွင် ဖဆပလနှင့် မဆလအစိုးရ
လက်ထက်တွင် တည်ဆောက်နေရာချထားပေးခဲ့သည့်
အငှားချအိမ်ရာ စခန်းပေါင်း ၁၁ ခုရှိပြီး အခန်းပေါင်း
၁၆,၀၀၀ ကိုနေရာချထားပေးခဲ့သည်။

ဖဆပလနှင့် မဆလအစိုးရလက်ထက်တွင် နေရာ
ချထားပေးခဲ့သည့်အငှားချအိမ်ရာ စခန်းများရှိ အိမ်ခန်း
များကို ယနေ့တွင် တစ်စတုရန်းပေ ပတ်လည် နှုန်းထား
၁၂ ကျပ် ၅၀ ပြားနှုန်းဖြင့်သာ မြို့ပြနှင့် အိမ်ရာဖွံ့ဖြိုးရေး
ဦးစီးဌာနသို့ လစဉ် ပေးသွင်းစေသည့်စနစ်ဖြင့်
ကောက်ခံလျက်ရှိသည်။

သမ္မတဦးသိန်းစိန် အစိုးရလက်ထက်တွင် ရန်ကုန်တိုင်း
ဒေသကြီး ဒဂုံတောင်မြို့နယ်တွင်ရန်ကုန်တိုင်းဒေသကြီး
အစိုးရအဖွဲ့၏ အစီအစဉ်ဖြင့် စတုရန်းပေ ၆၀၀ ကျယ်ဝန်း
သည့်အခန်းပေါင်း ၁,၂၀၀ ပါဝင်သည့် ဗန္ဓုလအငှား
အိမ်ရာစီမံကိန်းကို တည်ဆောက်ပြီးအခန်းတစ်ခန်းလျှင်
လစဉ်ငှားရမ်းခ ကျပ် သုံးသောင်းနှုန်းဖြင့် နေရာချထား
ပေးခဲ့ပြီး ဖြစ်သည်။

(ဇေယျာလင်း)

***

၂။ "အိုးအိမ်ဦးစီးဌာနပိုင် အိမ်ရာငှားရမ်း နေထိုင်သူများ
ငါးနှစ်သာ နေထိုင်ခွင့် ပြုမည်ဟုဆို"

မြန်မာနိုင်ငံ တိုင်းဒေသကြီးနှင့် ပြည်နယ်များရှိ အိုးအိမ်ဦးစီး
ဌာနပိုင် အငှားအိမ်ရာများတွင် ငှားရမ်းနေထိုင်သူများသည်
ငါးနှစ်အထိသာ အများဆုံး ငှားရမ်း နေထိုင်ခွင့်ပြုမည်
ဖြစ်ကြောင်း မြို့ပြနှင့် အိမ်ရာ ဖွံ့ဖြိုးရေး ဦးစီးဌာနမှ
တာဝန်ရှိသူ တစ်ဦးက ပြောကြားသည်။

ယခုအစိုးရ လက်ထက်တွင် မြို့ပြနှင့် အိမ်ရာဖွံ့ဖြိုးရေး
ဦးစီးဌာနမှ ဆောက်လုပ် ငှားရမ်းသွားမည့် အိမ်ရာများတွင်
နေထိုင်သူများကို ယခုလမှစတင်ကာ လုပ်ထုံးလုပ်နည်း
အသစ်ဖြင့် ငါးနှစ်သာ ငှားရမ်းနေထိုင်ခွင့် ပြုမည်ဖြစ်ကြောင်း
၎င်းက ဆက်လက် ပြောကြားသည်။

“အရင်အစိုးရ လက်ထက်မှာ ကျွန်တော်တို့ဌာနက ကြီးကြပ်
ကွပ်ကဲရတဲ့ အငှားအိမ်ရာတွေအတွက် ငှားရမ်းတဲ့
လုပ်ထုံးလုပ်နည်း အသစ်မှာ မပါဝင်ပါဘူး။ အခုအစိုးရ
လက်ထက် တိုင်းနဲ့ပြည်နယ်တွေမှာ ငှားပေးမယ့် အငှား
အိမ်ရာတွေမှာတော့ ဒီစနစ်ကို စတင် ကျင့်သုံးပါမယ်”ဟု
၎င်းက ဆိုသည်။

အခြားနိုင်ငံများ၌ ဌာနပိုင် အငှား အိမ်ရာများကို
ငါးနှစ်သက်တမ်း အထိသာ အများဆုံး ငှားရမ်း နေထိုင်ခွင့်
ပြုသော်လည်း မြန်မာနိုင်ငံတွင် အငှားအိမ်ရာ နေသူများမှာ
ဆွေစဉ်မျိုးဆက် မိမိတို့ကိုယ်ပိုင် တိုက်ကဲ့သို့ နေထိုင်လျက်
ရှိသောကြောင့် ယခုကဲ့သို့ လုပ်ထုံးလုပ်နည်း အသစ်ဖြင့်
ဆောင်ရွက် သွားမည်ဖြစ်ကြောင်း မြို့ပြနှင့် အိမ်ရာ
ဖွံ့ဖြိုးရေး ဦးစီးဌာနထံမှ သိရှိရသည်။

အစိုးရအဆက်ဆက်တွင် အငှား အိမ်ရာများ အများအပြား
ဆောက်လုပ်၍ ပြည်သူ့ဝန်ထမ်း၊ နိုင်ငံဝန်ထမ်းနှင့်
အငြိမ်းစား ဝန်ထမ်းများကို ဈေးနှုန်း ချိုသာစွာဖြင့်
ငှားရမ်းခဲ့ပြီး အိမ်ရာထိန်းသိမ်းမှု ကိစ္စများ၊ အိမ်လခ
ကောက်ခံသည့် ကိစ္စများကို မြို့ပြနှင့် အိမ်ရာဖွံ့ဖြိုးရေး
ဦးစီးဌာနက စီမံဆောင်ရွက်လျက် ရှိကြောင်း
အဆိုပါ ဌာနထံမှ သိရှိရသည်။

ယခုနှစ်တွင် မြို့ပြနှင့်အိမ်ရာ ဖွံ့ဖြိုးရေးဦးစီးဌာန အနေနှင့်
ရန်ကုန်၊ ပဲခူး၊ နေပြည်တော်၊ ပုသိမ်မြို့များတွင် အငှား
အိမ်ရာများကို ဖော်ဆောင်လျက်ရှိပြီး ယခုအစိုးရ
ငါးနှစ်သက်တမ်း ကာလ၌ တိုင်းနှင့် ပြည်နယ်အလိုက်
အငှားအိမ်ရာများ ဖော်ဆောင်သွားမည်ဖြစ်သည်။

credit - The Myanmar Times & The Voice