“အိမ်ခြံမြေဈေးကွက်ထဲက အရောင်း - အငှား အခြေအနေ”

“အိမ်ခြံမြေဈေးကွက်ထဲက အရောင်း - အငှား အခြေအနေ”

၁။ "ကျပ်သိန်း ရာဂဏန်းမြေကွက်များ ယခုရက်ပိုင်း
အတွင်း အရောင်းအ၀ယ်ဖြစ်လာနေ"

ပြည်တွင်းရွှေဈေးနှုန်း မြင့်တက်နေခြင်း၊ အမေရိကန်
ဒေါ်လာနှင့် မြန်မာကျပ်ငွေလဲလှယ်မှုနှုန်းထားများ
မြင့်တက်လာခြင်းနှင့် စတော့ဈေးကွက် ထင်သလောက်
တွင်ကျယ်မှုမရှိသေးခြင်းတို့ကြောင့် တစ်နိုင်တစ်ပိုင်
ရင်းနှီးမြှုပ်နှံသူအချို့ကငွေအရင်းအနှီးနည်းပါးပြီး
အရောင်းအ၀ယ်လွယ်ကူသော ကျပ်သိန်း ရာဂဏန်း
အောက် စလစ်မြေကွက်များကို ပြန်လည်ဝယ်ယူ
လာကြောင်း မြန်မာနိုင်ငံ အိမ်ခြံမြေ၀န်ဆောင်မှု
အသင်း ဒုတိယဥက္ကဋ္ဌ ဦးသန်းဦးက ပြောသည်။

"ရွှေဈေးတွေတက်လို့ ဈေးကွက်ထဲမှာ ရွှေပြန်ထုတ်
ရောင်းတဲ့လူတွေ call deposit လို့ခေါ်တဲ့ခေါ်ယူအပ်နှံငွေ
အတွက် ပေးနေတဲ့ ဘဏ်အတိုးနှုန်းတွေ လျှော့လိုက်တာ
ကြောင့်ငွေပြန်ထုတ်တဲ့လူတွေ လက်ထဲမှာ ငွေတွေက
ရှိနေတယ်။ သူတို့က သေချာပြီးအရှုံးနည်းနိုင်တဲ့
သိန်းရာဂဏန်းအောက် အကွက်ကလေးတွေကိုပဲ
လိုက်ဝယ်လာကြတယ်။
အိမ်ခြံမြေဈေးကလည်း ဒီထက် ထပ်ကျဖို့ အကြောင်း
မရှိတော့ဘူးလို့လည်း တွက်ဆထားကြတယ်။ ဒါကြောင့်
အနည်းအပါး အရောင်းအ၀ယ် ပြန်လှုပ်တာပါ။ အရင်လို
အင်အားကြီး စီးပွားရေးသမားတွေ ဈေးကွက်ထဲကို
ဆင်းမလာကြသေးပါဘူး "ဟု
ဦးသန်းဦး က ဆက်လက်ပြောသည်။

ကျပ်သိန်းရာဂဏန်းအောက် မြေကွက်များ
အရောင်းအ၀ယ် ဖြစ်သည့်နည်းတူအချို့သော
မြို့နယ်များရှိ လူနေရပ်ကွက်များတွင်လည်း ကျပ်သိန်း
ထောင်သောင်းချီသည့်အကွက်ကြီးများ မကြာခဏ
အရောင်းအ၀ယ် ဖြစ်လျက်ရှိသည်။

သို့သော် အိမ်ခြံမြေဈေးကွက်တစ်ခုလုံးနှင့် ယှဉ်လျှင်
ယခင်ဈေးနှုန်း အခြေအနေအတိုင်းအရောင်းအ၀ယ်
ပြန်လည် ဖြစ်ထွန်းရေးအတွက် အချိန်ယူရန် လိုအပ်
နေဆဲ ဖြစ်ပြီးငွေလုံးငွေရင်းကြီးမားသည့် အင်အားကြီး
စီးပွားရေးလုပ်ငန်းရှင်များ ဈေးကွက်အတွင်းပြန်လည်
ဝင်ရောက်ရန် လိုအပ်နေဆဲဖြစ်သည်။

"အခုဈေးပြန်လှုပ်တာက ကစားလို့ရတဲ့ ဈေးလေးတွေ
ဖြစ်နေတာလည်းပါတယ်။ရန်ကုန်တိုင်းလွှတ်တော်မှာ
လည်း project တွေနဲ့ပတ်သက်ပြီး လုပ်မယ်ဆိုတဲ့
အကြောင်း ဆွေးနွေးခဲ့တာတွေလည်း ရှိတယ်။ အဓိက
ကတော့ အကြီးကြီးတွေကိုဝင်မကစားတော့ဘဲ
အသေးလေးတွေ ၀င်ကစားလာတာ များတယ်။
ဘဏ်တိုးတွေလျှော့တာ၊ရွှေဈေးတက်လာလို့ ရွှေတွေ
ထုတ်ရောင်းတဲ့ လူတွေလည်း ရှိလာတော့ မြေဘက်ကို
နည်းနည်း ပြန်လှည့် လာတဲ့သဘောတွေ တွေ့ရတယ်။
ငွေလုံး ငွေရင်းအကြီးကြီးတွေနဲ့တော့ဈေးကွက်ထဲကို
ဆင်းမလာကြသေးဘူး။ ခြောက်လ၊ တစ်နှစ် အနည်းဆုံး
တော့ပုံမှန်ဈေးကွက်ဖြစ်ဖို့ အချိန် ပေးရဦးမယ်"ဟု
ရန်ကုန်တိုင်း အိမ်ခြံမြေ လုပ်ငန်းရှင်များအသင်းဥက္ကဋ္ဌ
ဦးစိုင်းခွန်နောင်က အောက်တိုဘာ ၆ ရက်တွင်
မြန်မာတိုင်း(မ်)ကိုပြောသည်။

ငွေဖောင်းပွမှုနှုန်း မြင့်တက်လာနေခြင်းကြောင့် တစ်နိုင်
တစ်ပိုင် ငွေကြေးရင်းနှီးမြှုပ်နှံလိုသူများက ဈေးကွက်
အေးနေဆဲဖြစ်ပြီး ထပ်မံဈေးနှုန်းကျဆင်းရန် ဖြစ်နိုင်ခြေ
နည်းပါးသော ပြည်တွင်းအိမ်ခြံမြေဈေးကွက်အတွင်းသို့
ဝင်ရောက်လာခဲ့ကြသည်။

အလွယ်တကူလက်လွှဲလက်ပြောင်း ရောင်းချနိုင်သည့်
အပြင် ကျပ်သိန်းရာဂဏန်းအောက် မြေကွက်များ
အရောင်းအ၀ယ် ပြုလုပ်နိုင်သည့် ဒဂုံမြို့သစ်ဆိပ်ကမ်း
မြို့နယ်နှင့် ဒဂုံမြို့သစ်အရှေ့ပိုင်းမြို့နယ်တို့မှ
စလစ်မြေကွက်များကို ၀ယ်ယူစုဆောင်းလာသည့်
အတွက်ဈေးကွက် အတွင်း အနည်းငယ်
လှုပ်ခတ်လာနေခြင်း ဖြစ်သည်။

"အရှေ့ပိုင်း၊ မြောက်ပိုင်းက ဈေးနည်းတဲ့ မြေကွက်တွေ
ကတော့ အရောင်းအ၀ယ်တော်တော်သွက်လာတယ်။
စနေ၊ တနင်္ဂနွေတောင် မနားရဘူး၊ လိုက်ပြရတာ။
အ၀ယ် လိုက်လာတာကတော့ နှစ်ပတ်လောက်ရှိပါပြီ"
ဟု ဒဂုံမြို့သစ် မြောက်ပိုင်းမြို့နယ်မှအေးရိပ်စံ အိမ်ခြံမြေ
အကျိုးဆောင်လုပ်ငန်းပိုင်ရှင် ဒေါ်နီလာကျော်က
အောက်တိုဘာ ၇ ရက်တွင် ပြောသည်။

(ဇေယျာလင်း)

***

၂။ "အိမ်ရာအရေအတွက်များလာမှုနှင့်အတူ ကွန်ဒိုအငှား
ဈေးကွက်ကျဆင်းလာ"

အသစ်ဆောက်လုပ်သော အဆင့်မြင့်အိမ်ရာများနှင့်
လစဉ်ငှားရမ်းနိုင်သော နိုင်ငံတကာအဆင့်မီ တိုက်ခန်းများ
အပါအ၀င် အိမ်ရာအရေအတွက်များပြားလာသည့်အတွက်
ကွန်ဒိုအငှားဈေးကွက်မှာ ကျဆင်းလာကြောင်း အိမ်ခြံမြေ
အကျိုးဆောင်များက ပြောသည်။

ကုမ္ပဏီရုံးခန်းဖွင့်လှစ်ရန်နှင့် နိုင်ငံခြားသားများ နေထိုင်ရန်
အဓိကထား ငှားရမ်းလေ့ရှိသော jမို့ထဲဧရိယာအတွင်းရှိ
ကွန်ဒိုတိုက်ခန်းများမှာ အငှားဈေးကွက် အေးစက်
နေသော်လည်းဈေးနှုန်းများ မကျဆင်းသေးကြောင်း
သစ္စာမြေ အိမ်ခြံမြေ အကျိုးဆောင် လုပ်ငန်းက
ဒေါ်သူဇာမေက ပြောသည်။

"ကွန်ဒိုတိုက်ခန်း အငှားဈေးကွက်က အေးစက်နေပါတယ်။
အသစ်ဆောက်လုပ်ခဲ့တဲ့ရုံးခန်းတွေ၊ အဆင့်မြင့်အိမ်ရာတွေ
ကြောင့်လည်း ကွန်ဒိုဈေးကွက် demand ထက် supply
များပြားသလိုဖြစ်နေပြီး ဈေးကွက် အေးစက်သွားတာ
ဖြစ်ပါတယ်"ဟု ၎င်းက ပြောသည်။

၂၀၁၀ ပြည့်နှစ် နောက်ပိုင်းမှစ၍ ဈေးကွက်ကောင်းမွန်ခဲ့
သော ကွန်ဒိုအငှား ဈေးကွက်မှာဈေးနှုန်းများ အမြင့်ပိုင်းဖြင့်
သာ ရပ်တည်ခဲ့ပြီး ပန်းဘဲတန်း၊ ကျောက်တံတား၊ ဗဟန်း၊
လှည်းတန်း၊ ကမာရွတ်နှင့် ရန်ကင်းမြို့နယ်များရှိ ကွန်ဒို
တိုက်ခန်းများကို ငှားရမ်းနေထိုင်မှုများပြားခဲ့ကြကြောင်း
အိမ်ခြံမြေ အကျိုးဆောင်များက ပြောသည်။

ကွန်ဒိုတိုက်ခန်း အငှားခနှုန်းထားများကို တိုက်ခန်းပိုင်ရှင်များ
က အမေရိကန်ဒေါ်လာဖြင့်သတ်မှတ်လေ့ရှိကြသော်လည်း
ယခုကဲ့သို့ ဒေါ်လာဈေး မငြိမ်မသက်ဖြစ်ကာ ဈေးအတက်
ဘက်သို့ ဦးတည်နေသည့်အချိန်တွင် ငှားရမ်းမှုလျော့နည်းပြီး
ဈေးကွက်ကျဆင်းရခြင်းလည်းဖြစ်နိုင်ကြောင်း တော်ဝင်
အိမ်ခြံမြေအကျိုးဆောင်က ဦးထွန်းထွန်းဦးကပြောသည်။

"ကွန်ဒိုတိုက်ခန်းတွေက နိုင်ငံခြားသားတွေ အငှားများပြီး
ဒေါ်လာဈေးကွက်ကလည်း မြန်မာငွေကြေးဈေးကွက်ထက်
ပိုခိုင်မာတော့ ကွန်ဒိုအငှားဈေးကွက်တွေကိုဒေါ်လာတွေနဲ့
သတ်မှတ်တာများကြတယ်။ ဒီလို ဒေါ်လာ ဈေးမငြိမ်ဘဲ
အတက်ဘက်ကို ဦးတည်နေချိန်ဆို ကွန်ဒိုတိုက်ခန်းအငှား
ဈေးကွက်ပါ အေးတတ်တယ်"ဟု၎င်းက ပြောသည်။

ကွန်ဒိုတိုက်ခန်း အငှားဈေးနှုန်းများ ယခုအချိန်ထိ သိသာစွာ
မကျဆင်းသေးသော်လည်းတစ်လငှားရမ်းခ
ကျပ်သိန်း ၁၀၀ ကျော်ရှိသော တန်ဖိုးမြင့် လုံးချင်းအိမ်
အငှားဈေးကွက်မှာကျဆင်းလျက်ရှိပြီး အငှားဈေးနှုန်းများ
လည်း သိသာစွာ ကျဆင်းလျက်ရှိကြောင်း
ဦးထွန်းထွန်းဦးက ပြောသည်။

"ကွန်ဒိုတိုက်ခန်းတွေနဲ့ တစ်လငှားရမ်းခ ကျပ်သိန်း၃၀
အောက်လောက်ရှိတဲ့ လုံးချင်း အိမ်အငှားဈေးတွေသာ
မကျပေမဲ့ တစ်လငှားရမ်းခ သိန်း ၁၀၀ နဲ့ သူ့အထက်
ဈေးပေးရတဲ့ လုံးချင်းအိမ်အငှားဈေးတွေကလက်ရှိ
အချိန်မှာ ၁၅ ရာခိုင်နှုန်းလောက်ကျပြီး ဈေးကွက်လည်း
အေးနေပါတယ်"ဟု၎င်းက ပြောသည်။

ကွန်ဒိုတိုက်ခန်းများ၊ လုံးချင်းအိမ်များ၏ အငှားဈေးနှုန်းများ
သိသာစွာမကျဆင်းသေးသော်လည်း အဆိုပါအိမ်ရာများ၏
အရောင်းဈေးနှုန်းများမှ ၃၀ ရာခိုင်နှုန်းခန့်အထိ သိသာစွာ
ကျဆင်းနေပြီး ဈေးကွက် လည်း အေးနေကြောင်း
ဦးထွန်းထွန်းဦးကပြောသည်။

"အသစ်ဆောက်လုပ်ထားတဲ့ အဆင့်မြင့်အိမ်ရာတွေမှာ
အရစ်ကျစနစ်နဲ့ ၀ယ်ယူနိုင်လို့ကွန်ဒိုတိုက်ခန်းဝယ်ယူလိုသူ
တွေ အိမ်ရာသစ်တွေမှာပဲ ၀ယ်ယူတာများလာပြီး အရင်
ကွန်ဒိုတိုက်ခန်းတွေကို ၀ယ်ယူတာ ရှားလာလို့ အရောင်း
ဈေးနှုန်းတွေ ကျနေတာတောင်အရောင်းဈေးကွက်တွေ
အေးနေတယ်။ အိမ်ခြံမြေဈေးတွေက အကျဘက်မှာ
ရှိနေဆဲဖြစ်လို့တန်ဖိုးမြင့် လုံးချင်းအိမ် အရောင်းဈေးတွေ
လည်း ဈေးကျနေပါတယ်"ဟု ၎င်းက ပြောသည်။

မြို့ထဲဧရိယာအတွင်းရှိ ကွန်ဒိုတစ်ခန်း၏ အငှားဈေးမှာ
လမ်းနှင့် အခန်းအကျယ်အ၀န်းပေါ်မူတည်ပြီး တစ်လလျှင်
ကျပ် ၁၀ သိန်းမှ ကျပ်သိန်း ၃၀ အထိ ရှိပြီး ရိုးရိုးတိုက်ခန်း
တစ်ခန်း၏ အငှားဈေးမှာ အထပ်အမြင့် အပေါ် မူတည်ပြီး
တစ်လလျှင် ကျပ် နှစ်သိန်းမှကျပ်ရှစ်သိန်းအထိ ရှိသည်။

(တင်ရတနာထွန်း)

***

၃။ "အရောင်းအဝယ် ရှိတယ်ဆိုပေမဲ့ ကျားကန်နေရဆဲ
အိမ်ခြံမြေဈေးကွက်"

လက်ရှိအိမ်ခြံမြေ  အရောင်းအဝယ်ဈေးကွက်က ပြန်ကောင်း
လာမယ့်အချိန်ကို စောင့်ရင်းကျားကန်နေကြရတဲ့ဈေးကွက်လို
ဖြစ်နေတယ်လို့  အကျိုးဆောင် တချို့ဆီက သိရပါတယ်။

အများစုက အရောင်းအဝယ်ဈေးကွက်အေးနေတယ်လို့
ပြောပေမဲ့ ဈေးကွက်ကလုံးဝ အရောင်းအဝယ်မဖြစ်တာမျိုး
မဟုတ်ဘူးလို့ အကျိုးဆောင်တချို့ကပြောပါတယ်။

အရင်ကဈေးကွက်အခြေအနေတွေလို အခုအရောင်းတင်
အခုရောင်းထွက်တာမျိုးမဟုတ်ပေမဲ့ သူ့နေရာဒေသ
မြို့နယ်တွေအလိုက် အဝယ်တွေရှိနေပါတယ်။

အရောင်းအဝယ်မဖြစ်တာလား၊ ဈေးကျနေတာလားဆိုတာ
မကွဲပြားဘူးဆိုပေမဲ့ ဈေးကွက်ထဲမှာတော့ သူ့နေရာ
အလိုက် အရောင်းအဝယ်ဖြစ်နေတာ ဖြစ်တယ်။

ဝယ်ရောင်းအကျိုးဆောင် ဦးကျော်စွာက
"ဈေးကွက်က လုံးဝအေးစက်နေတာတော့ မဟုတ်ပါဘူး၊
ဈေးကွက်အပြောင်းအလဲ  အခြေအနေတွေကြောင့်
ဖြစ်တတ်တဲ့ သဘောအရ အခုလို အရောင်းအဝယ်
နှေးသွားတာပါ၊ ခုချိန်ကတော့ ဝယ်သူအကြိုက်ဈေးကွက်
အခြေအနေပေါ့လေ၊ အရောင်းသမားတွေ ဈေးကွက်
မဟုတ်ဘဲ ပြောင်းလဲသွားတာပါ" လို့ ပြောပါတယ်။

အရောင်းအဝယ်ဈေးကွက် သဘောအရဈေးတက်တဲ့
အချိန်တွေမှာလည်း ဈေးကွက်အခြေအနေကို
စောင့်တတ်ကြသလို  ဈေးကွက်အပြောင်းအလဲရှိတဲ့
အချိန်တွေမှာလည်း ရောင်းမယ့်သူက ရောင်းဖို့အတွက်
ဈေးချိန်ညှိတတ်ကြတာဖြစ်တယ်။

မြို့တွင်းမြို့နယ်တွေမှာတော့ ပုဂ္ဂလိကပိုင်း အထပ်မြင့်
တိုက်ခန်းတွေ၊ ကွန်ဒိုတွေရဲ့ အရောင်းအဝယ်ဈေးကွက်
ကျဆင်းတာမျိုး တချို့ရှိတယ်လို့ သိရတယ်။

အဝယ်ရှိတယ်ဆိုပေမဲ့ဝယ်သူက နီးစပ်ရာနေရာမှာပဲ
ဝယ်တာမျိုးတွေတော့ရှိတယ်။ ဈေးကွက်က အရင်ကလို
မဟုတ်ပေမဲ့ အငှားဈေးကွက်လောက်ပဲရှိတာများ
တယ်လို့လည်း သိရပါတယ်။

မေတ္တာအကျိုးဆောင်က ဦးမင်းထက်က
"မြို့ထဲပိုင်းမှာတော့ လုပ်ငန်းပိုင်းအတွက် ငှားကြတာ
များတယ်၊ အရောင်းအဝယ်က လုံးဝအေးစက်နေတာတော့
မဟုတ်ပါဘူး၊ ကိုယ်နိုင်တဲ့ ပမာဏနဲ့ကိုက်ညီတဲ့ဈေးနှုန်း
တွေကိုရှာပြီး ဝယ်ကြတာတွေတော့ရှိပါတယ်၊ ဈေးအမြင့်ပိုင်း
တွေကတော့ အရောင်းအဝယ်မဖြစ်တာတော့ဟုတ်ပါတယ်၊
ဈေးအသင့်အတင့်တွေကတော့ အရောင်းအဝယ်တွေ
ဖြစ်ကြပါတယ်" လို့ ပြောပါတယ်။

အများစုကတော့ မြန်မာနိုင်ငံရဲ့အိမ်ခြံမြေအရောင်းအဝယ်ကို
နိုင်ငံတကာကရင်းနှီး မြှုပ်နှံမှုတွေဝင်လာတဲ့အခါမှသာ
ဈေးကွက်ပြန်ကောင်းလာမယ်လို့ သုံးသပ်ခန့်မှန်းထားကြ
ပါတယ်။  

လက်ရှိမှာတော့ ဈေးကွက်ပြန်ကောင်းမယ့်အချိန်ကို  
အချိန်ယူစောင့် ကြည့်နေကြရတဲ့ အခြေအနေဖြစ်တယ်လို့    
ပြောကြပါတယ်။

ဝယ်သူတွေအတွက်ကတော့ စိတ်ကြိုက်ဈေးနဲ့ သေချာ
ရွေးဝယ်လို့ရနေသလို အောက်ဈေးတန်းနဲ့ ရနေတဲ့
အခြေအနေဖြစ်တယ်လို့ အကျိုးဆောင်တချို့ဆီက
သိရပါတယ်။

(အေးမွန်)

credit - The Myanmar Times & Kumudra Journal